Monday, June 15, 2009

“Жизель” баллет

2009.06.14нд найз Баясаатай "Жизель баллет" үзлээ. Манай бүжигчид маш сайн тоглож байна лээ.

А.АДАН
ЖИЗЕЛЬ
Хоёр бүлэгт балет
"Жизель" балетын цомнолыг хуримлаж амжилгүй нас нөгчсөн охидын
сүнсний тухай эрт урьдын домогоос сэдэвлэжээ.
Нэгдүгээр бүлэг
Наран гиймиэл тайван газар бяцхан гацаа байна. Энэ гацаанд энгийн даруу хүмүүс амьдардаг ажээ. Тариачин бүсгүй Жизель Цэнхэр огторгуй, шувуудын жиргээн болон бүхнээс илүү амьдралыг нь гийгүүлсэн цэвэр ариун ариун хайр сэтгэлийн жаргалд умбан баясч байжээ.
Жизельд хайр сэтгэлтэй болсон ойн захирагч Ганс, Жизелийн хайрт хүн Альбертыг тариачин хувцас өмсөн язгууртан хүн мөн гэж итгүүлэхийг оролдоно. Ойн захирагч гацаан дахь Альбертын хаөлсний байшингаас сүлд тэмдэгтэй мөнгөн тулзуур сэлэм илрүүлээд, Альбертын язгуур угсаагаа нуун заль хэрэглэж байгаад лавтай итгэнэ.
Ихэс ноёд ан ав хийснийхээ дараа олон дагуулынхаа хамт гацаанд буудаллахад тариачид баян зочдыг хөөр болон угтана.
Альберт анчидтай санамсаргүй уулзах үедээ тэдний дунд сүйт хүүхэн Батильда байгаад ихэд тэвдэн сандарч тэднийг таньдгаа нуухыг оролдоно. Гэтэл ойн захирагч Ханс олны өмнө түүний нуусан сэлмийг үзүүлж заль мэхийг нь илчилнэ. Жизель хайртай хүнийхээ хүйтэн сэтгэл, заль мэхэнд нь гайхаш алдран гомдоод сэтгэл, итгэл, мөрөөдөл нь балран унасанд солиорон амь алдан унана.
Хоёрдугаар бүлэг
Шөнийн нам гүмд гацааны оршуулгын газар сарны гэрэлд сүүтгэнэх сүнснүүд гарч ирцгээнэ. Хуримын хувцас, цэцгийн эрхтэй сүнсүүд сарны туяанд гайхам агаад сэтгэл сэртхийм харагдана.
Мөс мэт хүйтэн авсандаа орохын өмнө амжих юмсан гэх мэт...улам ч шуурхай бүжинэ. Гэтэл ойн захирагч Ганс уй гашууд автан өөрийнх нь буруугаар сэтгэлийн зовлонд унаж амь алдсан Жизелийн булшийг эргэхээр ирж явааг сүнсүүд харцгаан, өршөөлгүй хатуу толгойлогчийнхоо гарлигаар түүнийг тойрон бүжиж унан, тусан бүжиглүүлж, амийг нь алдуулна.
Бас Альберт гүн хөөрхийлөлтэй үрэгдсэн Жизелийг үл мартан шөнө дөлөөр түүний булшин дээр ирнэ. Сүнсүүд түүнийг тэр даруй тойрин бүжиж эхлэнэ. Харин энэ мөчид Жизелийн сүнс түүний цэвэр ариун, өөрийгөө гарздахаас үл шантрах хайр нь Альбертийг догшин сүнснүүдийн хилэнгээс аварна. Мандах нарны эхний цацраг тэнгэрийн хаяанаас туяаран алсад алсад хонх дүнгэнэхэд сүнсүүдийн сүүдэр дүр ч ид шидээ алдан замхарна. Жизелийн хөвөлзөх сүүдэр ч мөн арилан одно. Гэвч Альбертийн сэтгэлд Жизель мөнхөд оршин үхлээс хүчтэй хайрыг гэнэт алдсанаа санан санан харууссаар төгсөнө.

A.ADAN
JISELLE
ACT I
Guest are arriving at a country hotel where Giselle works as a chambermaid and her mother, Berthe is the housekeeper. Count Albrecht, who is in love with Giselle, arrives disguised as a commoner. Hilarion, a gamekeeper (who is also in love with Giselle) sees Giselle and Albrecht together. Jealous, he tries to separate them and a fight ensues.
Villagers return from the fields to celebrate the grape harvest. Berthe, fearful for her daugher's fragile health recounts the legend of the wilis - the vengeful spirits of virgin brides who have been abandoned before their wedding night. The wilis haunt the forest seeking their revenge on young men by forcing them to dance to their death.
The shooting party arrivesm, led by the Duke of Courland and his daughter Bathilde, Albrecht's fiance.
Giselle and Bathilde meet. Giselle tells Bathilde of her love for her fiance and Bathilde, unaware that Giselle is speaking of her own bertrothed, gives her a necklace as a wedding gift.
Giselle is crowned Queen of the Vine but during the celebration Albrecht's identity is revealed. Giselle, destroyed by grief at Albrecht's duplicity, loses her mind, stabs herself and dies.
ACT II

A forest Clearing on a High Cliff Top.
Mourning Giselle's death, Hilarion and Berthe are visiting her grave. As night falls, the wilis, led by Myrtha, their Queen, make their appearance. Giselle is summoned from her grave. Hearing Albrecht approach, the wilis vanish and Giselle appears to comfort the grief-stricken Albrecht.
Hilarion, caught by the vengeful spirits, is condemned to dance till he dies by Myrtha. In an attempt to escape he falls from the cliff edge and plummets to his death. Albrecht faces a similar fate, but Giselle's love and forgiveness protects him through the night. As dawn breaks over the forest Queen Myrtha loses her power and with the first rays of the sun the wilis are forced back into their graves. After a final farewell Giselle and Albrecht are parted for ever.

Sunday, October 28, 2007

Энэ МИАТ-с болж сайн жуулчидаа гомдоох явдал гарах юм даа.



Dear Suugii

As you know, I have left SYSTRA Korea and I am taking some holidays before deciding together with SYSTRA my next position.

My first holidays were in Mongolia as I told you on the phone. As usual (it was my 3rd trip here), I really enjoyed the Mongolian hospitality and the wonderful landscapes; I went as far as the extreme western part of the country and visited the Tavan Bogd National Park. However, I faced a double incident and as I know that you have high level counterparts in the Mongolian administration, could you please give me a favour and transmit this message to them. Obviously, I do not expect any kind of compensation but I just want to inform about Mongolian Airlines (lack of) service, (hostile) attitude towards their passengers and (dis-)honesty. I know that this story (actually the 2nd incident) seems unbelievable but it is absolutely true and I wish that other people do not suffer the same problems with MIAT (for me, it will be anyway a life-time boycott of this company)

1st problem: the flight from UB to Olgii on June 10 (with MIAT of course).
We arrived around 6.30 for a schedule departure time at 8. The screens were unfortunately rescheduling it at 11; it later appeared that they knew that 11 was the check-in time, and that the departure was re-scheduled at 1 (it thus deprived us from the possibility to go back to UB for rest and breakfast). Finally, they started a first boarding around 1, without any word of explanation (we cannot even think about apologies) but the bus which carried us then remained 15 minutes near the plane with closed doors (there was no air-con and the temperature on that day was near 35) before heading back to the airport, always without any kind of explanation or apology. The second boarding was successful and we could finally depart at 2 (thus with 6 hours delay) but as there was no information on the failure of the first boarding, all foreign passengers, including me, were fearing a technical problem of the plane and I was on the verge of giving up this trip and going back to UB.
Obviously, we arrived safely in Olgii 4 hours later and I will not elaborate on the poor quality of on-board service and of the plane since I could easily guess it before the trip and therefore cannot complain about it.

2nd problem: the flight between Olgii to UB on June 21
I thought it could not be worse, I was absolutely wrong. The ticket which was issued by MIAT themselves indicated a departure time at 17.35. We confirmed the flight according to the rules and arrived at the airport at 15.30 (more than 2 hours before); no staff from MIAT was there; only a very unpleasant security staff told us that the check-in was completed. It was impossible to get any kind of explanation from no one and when after a long argument, my guide could finally access the MIAT staff in the boarding zone, the guy told her that the check-in was completed, he refused to give any explanation and when she asked about alternatives (other flights in Olgii or neighbouring cities) he just replied that he was busy and asked her to go away.
Fortunately with the help of friends in UB, I could get the information that an Aero-Mongolia flight was available in Khovd the following morning and thus had to pay for the trip between Olgii and Khovd by car. The flight with Aero Mongolia was good, with a short delay but an excellent plane and on-board service.
The story is not over as when I went to MIAT office in UB for reimbursement of the flight, MIAT retained 50 $ for the cancellation fees arguing that we arrived too late at the airport. 17.35 was actually UB time, thus making it the only place where the departure time is not the time of the departing airport. Even though MIAT rules stipulate that the check-in closes 30 minutes before departure and that we also respected this rule, they dared applying a cancellation fee due to the passengers fault. It is not the first time that I see a company doing Overbooking but it is definitely the first and probably only time when I see Overbooking + Cancellation Fee due to the passeger's fault.

I am going to broadly relay this story but I would like to know the feeling of the Mongolian administration about that. Is it really the way for Mongolia to become a touristical place? Do they approve MIAT commercial attitude?

A last thing about our common business in Korea. I read the news about our selection and am very glad that our partnership was successful. Let's hope that there will be others in the future.

All the best and thanks in advance for the transmission of this message.

With my best regards,

Jean Maurice

Thursday, August 23, 2007

Дарнатын Гэгээнтэний Наймдугаар Дүрийн Сургаалын Бичиг Оршибай

Жавзандамба хутагтын айлдаж байсан сургаалыг монгол бичгээс хөрвүүлэн бичлээ. Та уншин болгоож, тунгаан бодно уу.

Ум сайн амгалан болтугай. Сухаавидын орноос бууж ирсэн тавин хоёр төрлийг дурдсан мянган мэлмийтэй, түмэн сонортой далан таван махгалын дүртэй баруун газрын далай лам банчин богд Жавзандамба дарнадын гэгээн бичин жилийн намрын дунд сарын шиний найманд алтан сургаалийг дөрвөн удаа тараав.

Хүрээний сайд Эрдэнэ Шанзадба ноён Халхын дөрвөн аймагт наймдугаарын сургаалыг дөрвөн удаа тараав. Ар халх миний мунхаг болоод улаан бараан хараал, бараан архи тамхи, улаан оройтой малгай, задгай ээтэн малгай, хөвөөтөй бамбай дээл, задгай бүс өмсөж, бүсэлдэг чинь буруу хэлтэнтэй уулзахын тохиол байна.

Улаан хантайз өмсдөг чинь хаа гуяа огтчуулахын тохиол байна. Ээтэн улаан зулахтай гутал өмсдөг чинь цус дүүрэн байхын тохиол, улаан гуятай хутга зүүдэг чинь буруу хэлтэний мэсэнд дайралдахын тохиол, түрүүчийн улаан гөлөм тохдог, улаан ташуур барьдаг чинь буруу хэлтэнтэй учирахын тохиол, бараан улаан хараал, бараан архи тамхи, завхай хувцас бүгдийг эдэлдэг чинь биелээд нүдэнд чинь үзэгдэж харагдсан биш үү. Гаслант Ар Халх минь зугтаж нэгэн өдөр амар үзсэнгүй биш үү, тавин хоёр төрөл дээр нөхцсөн Жавзандамба Дарнат би Ар Халх юугаан үүрийн харанхуйд нэг, нар гарахад нэг, өдөр дунд нэг, үдшийн бүрийд нэг, өдрийн дөрөв эргэдэг биш үү. Намайг ийм гэж санадаг хүн нэг ч үгүй, авгай дагинас нар миний таван цэн мөнгө тэвчиж, зүү үсээ өндөр боогоод далавч мэт хийгээд дарсан мөр дээр хийх нь цөвүүн цагийн хэрэгсэл хөө хуягтай зах адил , алт мөнгө эдэлдэг чинь дайн дайсан болохын тохиол байна. Үсний үзүүр гэрийг задгай явдаг чинь гэрийн эзэн хүний хийморь дарахын тохиол байна, Олон хуврагууд миний хуралд орхимжоо бүслээд цэврээн гэсгүүлээд хурлаа дутуу орхиод явдаг чинь дайн дайсан болохын тохиол байна. Олон тойн хуврагууд минь шажин хурлаа хичээж орны чойрон номын сахиусанд догшил өргөөд явдаг чинь болбол сүмбэр уулын оройд таван өнгийн солонго, алтан дуганы оройд таван өнгийн солонго татаж тойн хуврагууд юугаан оройн чимэг болгож дээд ерөөл саная. Тойн хуврагууд минь лам багш нараас ван жонон гүн авшиг хүртэж аваад, сүүлд нь бие биеээ муу хэлдэг чинь тангараг эвдэрхийн тохиол биш үү. Ар, өвөр халхын дөрвөн аймаг шар хар олон бүгдээр намайг тахиа жилийн өвлийн тэргүүн сарын арван таванд Очир Дарь лам гэж алтан ширээн дээр залж тахив. Би зуун хорин нас наслая, нэгэн наснаас эхлээд наян нас хүртэл над лугаа учирч мөргөсүгэй. Би хүслийг тань гүцээе буян хишигийг тань дэлгэрүүлэн жаргаая. Ар, өвөр халх хийгээд бүгдээр бараан улаан хараал, бараан архи тамхи, завхай хувцас бүгдийг нэгэн өдөр ч бол тэвчиж, эс тэвчдэг болбол дайсан болохын тохиол байна. Та бүхний хийсэн буян хилэнц хоёр эрлэг номун хааны толь мэт миний баруун зүүн алгат илхэн байна. Халх дөрвөн аймаг өрх дараалан Жадамба, Сундуй, Алтангэрэл, Товуу хамчиннагва, Намдаг санг хичээж уншуулбаас буян хишиг хийморь нь дэлгэрнэ биш үү. Олон тойн хуврагууд минь Гурван гүрэм, Дарь эх, Гүсэнтүгийн мандал, Гурван Солдов, Чогчид маани, Мэгзэм үүнийг амны уншлага болгож уншбаас юу санасан үйлс чинь магад гүйцэд дэлгэрнэ биш үү. Цөвүүн цаг ирнэ эв тангарагаа сайн хичээ, цөвүүн цагийн цагаан тамхи гэгч гарна биш үү. Үүнийг гармагц нүглийн эрх тачаангуй хурьцалаар татахгүй хүн нэг ч үгүй болох түүнийг эд бараа хамаг юмаа өгч татаад сүүлд нь үр хүүхдээ татаад, тун сүүлд нь хоёр нүдээ өгч татаад аргагүй болоод үхэж нөхчсөн хойно мянган галав болтол очир тамаас гарахгүй болно биш үү. Ар халх минь баян гэж бүү бард, үгээгүй гэж бүү гомд, зуу наслахгүй байж мянган жилийн юмыг хураадаг биш үү. Тавин хоёр төрлийг дурдсан Жавзандамба дарнад би ар халх юугаан улаан бараан хараал, бараан архи тамхи, завхай хувцаснуудыг нэгэн өдөр ч бол тэвчдэг болбол олон тойн хуврагууд юугаа оройн дээд очир дарь багш мэт саная. Гэрийн эзэн хүнийг эцэг мэт саная. Авгай дагинасыг эх мэт саная. Таныгаа замбуутивийн чимэг мэт эргэж байна. Би холоос ойр байна биш үү. Миний сургаж гуйсан эдгээрийг нэгэн өдөр ч бол тэвчиж үхбээс Гандан Тэгчиглэнгийн оройд Гэлэн болгож төрүүлэе.

Миний энэ сургаалыг номтой хүн үзэж сонсбоос арван тавны сарны гэрэл мэт адилхан, мунхаг хүн үзэж сонсбоос харанхуй доторх адгуусан лугаа адил, миний энэ сургаалыг нэгэн гэрт үзэж сонсбоос гурван сарын гай магад гарах буй, бичиж тахибаас гурван жилийн гай магад гарах болмуй. Эх болсон хамаг амьтаны зовлон амирлаж бурханы хутгийг түргэнээ олох болтугай.

Ум Ма Ни Бад Ми Хум

Thursday, August 16, 2007

Тэнгэр шиг бай

Би эрч хүч ханхалсан шүлгүүдийг хааяа уншиж өөртөө энерги авдаг . Энэ удаад өөрийнхөө хамгийн унших дуртай, хамгийн сайн цээжилсэн шүлгээ бичин оруулж байна. Танд ч бас нэгэн сайхан энерги өгнө гэдэгт итгэлтэй байна.
О.Дашбалбарын шүлгээс...

Хамаг бүгдээр чамайг
Харааж нулимж байвч тэнгэр шиг бай
Хамгийн сайн хүмүүс гэж
Хашгирч ерөөж байвч тэнгэр шиг бай

Тэвчээр барагдаж нөхөд чинь орхивч
Тэнгэр шиг бай, мөнхөд амгалан
Тэргэнд суулгаж алтан титэм өмсгөвч
Тэнгэр шиг бай, юу ч болоогүй юм шиг

Хамгийн хайртай хүн чинь хаяж одсон ч
Хан тэнгэр нурчаагүй цагт бүү зов
Гүтгэж доромжилж бахаа ганц хангавч
Гүн тэнгэр хэмхрээгүй цагт бүү ай

Өвчин зовлонд нэрвэгдэж тартагтаа тулавч
Өнө мөнхийн тэнгэр шиг бай, чи ялна
Өрөөл бусдад тоогдохоо байж, мартагдавч
Өндөр тэнгэр дээр чинь цэлийж буйг бүү март

Яг л энэ амьдрал дуусч, явах замгүй болсон ч
Яадгаан алдалгүй хүлээ, тэнгэр шиг бай
Яруухан санаа мөхөсдөж, хулгай зэлгийд өртөвч
Ядмагхан амьтадыг бүү тоо, тэнгэр шиг бай

Олз омог чамд үүдээ хаасан ч тэнгэр шиг бай
Олон түмэн нүүрээ буруулсан ч тэнгэр шиг бай
Одод гялалзаж, наран саран ээлжилж байгаа цагт
Орчлон дээр аавын хүү шантрах ёсгүй ээ

Уур омог урин мунхагийг мартаж тэнгэр шиг бай
Уйтан хорвоогоос гарч жигүүрээ дэлгэ
Цөхрөл чамайг багалзуурдаж, цөлийн чоно шиг болгосон ч
Цөс ихтэй хүний үр гэдэгээ битгий мартаарай

Цорын ганц хүү минь, охид минь, хүүхдүүд минь
Цөхөл ирэх үйлийн үрээс бүү зугт, бүү ай
Хувь заяатай эвлэрч ямагт тэвчээртэй бай
Хуучин цагийн мэргэд хүлээж сурсан юм шүү

Орох оронгүй болсон цагтаа орчлонг бүхэлд нь олно, чи
Онцлох нөхөргүй болсон цагтаа, хүнийг ойлгоно чи бас
Аз жаргал ирнэ, гэвч удахгүй алга болдог юм
Аюул зовлон тохионо, гэвч удалгүй арилдаг юм

Жамаараа ертөнцөд бүх юм өдөр шөнө ээлжилнэ
Жаргал зовлонгийн алинд ч мөнхөд тэнгэр шиг бай
Атаатан түмэндээ мууг үйлдэвч , хариуд нь сайныг бүтээ
Ариун сэтгэлийн нугад буяны цэцэгс дэлгэрдэг юм

Ямагт чиний зөв байх албагүй, сайтар тунгаа
Яриж хэлэх, хөдлөх бүхнээ өөрөө хяна, сэтгэ
Хүсэл бүхэн биелэх албагүй, чандалж хорь
Хүрэхийн эцэсгүй тэнгэр шиг бай, үнэнийг тэмтэр

Юм бүхэнд өөрийн байгаагаараа сөрөөд хэрэггүй
Илд атгасан хүн тулаанд хэрэгтэй, хуриманд нэмэргүй
Нохой болохоос нь өмнө гөлөгийг хэмлэдэг юм
Ноён болохоос нь өмнө хөвгүүнийг басаж доромжилдог юм

Самуун дэгдээгчид үйлээ тайван хийдэг
Сандарч хэрэггүй тэнгэр шиг бай
Салхи цагаан болохоор бүхнийг хийсгэдэг юм
Саваагүй амьтадын зиндаад бүү уна

Эрх мэдэлтэй хүн хилэнц нүгэлээс зайлахгүй
Эд баялагтай хүн хүсэл шуналаас хагацахгүй
Ертөнцийн бүх юм хэмжээтэйг бүү март
Ер цагаа болохоор хумхын тоос шиг сарнина

Энгийн хүн ардад ээлтэй бай, хайртай бай
Элдэв бусармаг явдалд бүү орооцолд
Үнэтэй цайтай бүхнээ бусдад өгч сур, бүү харамс
Үүрд оршихгүйн учир тус болохгүй, үйл бүтээ

Гаднаан ямагт бусдад дорд бай, даруу бай
Гайхуулах хэрэггүй дотроон тэнгэр мэт агуу бай
Үг яриа хэрэггүй газарт, харцаараа үгүйлж сур
Үнэн худлыг ялгах аргагүй цагт бурхандаа залбир

Өнөөдөр чамайг маргааш бусдыг хуурах хүнд
Өөр шигээ бүү итгэ, мөрийг хөөж чигийг барь
Хүү минь хамгийн эцэст нохойн явдлыг дээдэл
Хүлцэн тэвчихээс өөр гавьяаг би мэдэхгүй ээ.


Wednesday, August 8, 2007

Номын өргөө



13-р зуун цогцолборын "Номын өргөө"-р зочлохдоо хүн бүр respect үзүүлэх үүднээс гутлаа тайлж ордог. Бидний өвөг дээдэс үеийн үед агуа сайхан уйгаржин бичиг/монгол бичиг/-ээ дээдэлдэг улс байсан. Одоо тэгэхэд шал харийн Орос цагаан толгойноос хуулбарласан бичгийг шинэ цагаан толгой гэсэн нэрийн дор авч хэрэглээд удлаа. Энэ нь нэг талаараа Оросуудтай ахан дүүс гэж явсны хэдэн жилийн бас нэгэн үр дүн. Яахав нийгэм хувьсан өөрчлөгдөж, дэлхий даяарчлагдаж байгаа өнөө цагт энийг том асуудал болгож ярих нь зарим нэг хүмүүст таалагдахгүй байж магад. Гэхдээ л яаж ч даяарчлагдаж, улс орнууд хилийн зурвасгүй болж байсан ч УЛАМЖЛАЛ гэж хамгийн эрхэм нандин өвийг хадгалж үлдэхгүй бол болохгүй гэж би л хувьдаа боддог юм. Тэгсэн бүр нэг хэсэг юу болов оо, крилл цагаан толгойгоо болиод Англи хэлний цагаан толгойг галигаар нь хэрэглэе энэ тэр гээд л байх шиг байсан. Би л хувьдаа дургүйцэж байсан. Англи хэл, Орос хэлийг үгүйсгэж байгаа юм биш л дээ. Гадаад хэл, бичиг бол одоогийн эринд зайлшгүй хэрэгтэй нь үнэн. Гэхдээ бид өвөг дээдсийнхээ хэдэн мянган жил хэрэглэж ирсэн "уйгаржин бичиг"-ээ хэзээ ч орхиж болохгүй ээ. Улам бүр хадгалан хамгаалж, хөгжүүлэн цэцэглүүлж байх ёстой. Тийм ч утгаараа 13-р зуун цогцолборын "Номын өргөө"-нд зочилсон жуулчдад тэдний нэрсийг муутуу цаасан дээр уйгаржин бичгээр бичин дурсгал болгон өгдөг үйлчилгээ байхаас гадна уйгаржин бичгийн олон төрөлт /дүрсэн, эвхмэл, нугалмал.../ хэлбэрүүдийг дэлгэн үзүүлсэн байдаг. Мөн тус өргөөний багш шавь нар уйгаржин бичгийн түүх, үүсэл гарал, төрөл зүйлүүдийг сайхан тайлбарлаж өгнө. Хэрэв та хүсвэл тэрхүү цогцолборт уйгаржин бичиг заалгахаар шавь орох боломжтой. Ер нь ажиглаж байхад жуулчид тэр нэр бичиж дурсгал болгон өгч байгаа үйлчилгээнд их дуртай бөгөөд Монголчууд яагаад энэ сайхан бичгээ хэрэглэхээ больсон түүхийг их асуудаг. Тэгэхээр бид энэ тал дээр илүү их юм хийх л хэрэгтэй байна. Их юм хийх гэж байна гээд 2 сая 500 мянган хүнийг цөмийг нь уйгаржин бичиг сур гээд байгаа юм биш л дээ. Ядаж сурсан хүмүүс нь мартаж болохгүй, сурсан нэгнээрээ бахархаж, энэ тал дээр юм хийж байгаа нэгнээ дэмжиж байгаарай л гэж хүсэх гэсийн.

Tuesday, July 31, 2007

Өнөөдөр миний төрсөн өдөр, Өнгөт орчлонд мэндэлсэн өдөр

Хүн болж төрнө гэдэг хэдэн зуун мянган арвайг унагахаар ганц нь зүүний үзүүр дээр тогтдог гээд үлгэр домог, аман яриа, бурхан багшийн сургаал дээр байдаг билүү. Ямар ч байсан энэ өгүүлбэрийг мэдээд ёстой аз нь алгандаа багтаж ядсан нь хүн болж төрдийн байна гэж ойлгодог болсон. За тэгээд өнөөдөр миний төрсөн өдөр болохоор бага байхдаа төрсөн өдрөө яаж тэмдэглэдэг байсан жижиг дурсамжаасаа бичье гэж бодлоо. Намайг бага байхад манай цэцэрлэгийхэн их л гоё тэмдэглэдэг байсан санагддаг. Би ширээний хамгийн дээд талд нь суугаад зөндөө амттай юм идээд манай ангийхан надад зориулж бяцхан концерт тоглоод, тэд их авъяастай, орос цэцэрлэгт явж байсан болохоор том том чихэр идэж нүүрээ завааруулдаг байснаа тод санадийн. Одоо тэгсэн чинь яаж байна beer уугаад л, бүжиглээд л... хэхэ
Харин 2006 оны төрсөн өдөр үнэн янзтай болж байсан. Яг 07.31нд би жуулчинтай байсан учир урьдчилж найз нартайгаа амралтанд явсийн, за тэгээд тэнд 3 хоносон гээд л бодчих... угаасаа явсан хүмүүс нь мэдэж байгаа биз дээ өөр өөрсдийгөө, ёстой л хэн хэн нь байсанг бэ? болсон шдээ хөвгүүдээ...хэхэ /Тү, Са, О, Ор, Тэ, Бо,Ба, Су/ялангуяа энэ Тэ гэж хүүхэд...яаяа. Энэ удаад та нарын нэрийг харин олон түмэнд зарласангүй үлдээлээ. Зарлачуул авигүй бол гай нууц задруулсан энэ тэр гээд орой харих гээд явж байхад орцонд зодчиж магад...хэхэ. Энэ бол аль 31нээс өмнөх өдрүүд шд. Тэгээд дараа нь 07сарынхаа 31нд Архангай аймгийн Өгий нууранд нар жаргаж байхад завиар зугаалж байсан санаж байна. Ёстой сооl байсан. Тэр Өгий нууранд нар жаргаж байгааг ээ. Зургийг нь хардаа.Энэ алхаж байгаа нь би манай жуулчин авсан зураг байгаа юм. Завиар зугаалж байгаа зургаа хайгаад олдоггүй ээ. Энэ 2007 оны төрсөн өдрийн талаар дараа бичнээ. Зурган дээр дарж томруулж үзээрэй.



Thursday, July 26, 2007

13-р зуун цогцолбороор аялахуй.













Урчуудын отог...

Та бүхэн 13-р зуун цогцолбороор морилон очиход таныг угтан тосох хүмүүс нь эртний баатруудыг санагдуулахуйц цэргүүд байгаа. За тэгээд юуны өмнө 13-р зуун цогцолборын "Урчуудын отог"-р морилон, урчуудын урлан бүтээсэн тэртээх зуунд монгол түмний өмсөж байсан бидний хэлж заншснаар /лам захтай дээл/ өмсөж зургаа даруулж, хүсвэл баатрын хувцас ч өмсөж тэрхэн агшинд өөрийгөө Чингэс хааны эрэлхэг баатар болгон хувиргах боломжтой.
Гэхдээ мэдээж 100% бүх зүйлийг тэр үеийх шиг хийж чадахгүй нь тийм ч гэлээ хичээж байгаа нь бахархууштай. Мэдээж 13-р зуунд сальфетка хэрэглэж байгаагүй байх гэж бодож байна, тэглээ гээд жуулчдын амыг ямар ханцуйгаар нь арчуулалтай нь биш. Ер нь аялал жуулчлалын салбарын үйлчилгээний хамгийн sensitive зүйл бол яах аргагүй food-ын асуудал байдаг юм байна. Магадгүй хүний физологийн анхдагч хэрэгцээ гэдэг утгаараа нөгөө хэдийг чинь good аppetite-тай идүүлж байж хэдэн төгрөгийг нь саана шүү дээ. Үзэх зүйлсийн хувьд бол харьцангуй ойлголт л доо. Дээр нь мэдлэгтэй сайн орчуулагч байх хэрэгтэй. Та юу гэж бодож байна?